Law Of Attraction and Love

Jab aap kisi se nafrat karte hein toh aap usey aur uski buraiyon ko yaad karte hein. Yaad karke hi hum seekhtey hein. Aur hum baaki logon mein bhi wahi kamiyan dhoondne lag jaate hein, jisse humari life mein aise hi log attract honey lagte hein. it is law of attraction and chain reaction. Toh humey unhi logon ko yaad karna chahiye jinki tarah hum bnna chahte hein. Aur nafrat ke rehtey aisa karna sambhav nahi hai, kyunki nafrat pyaar ki tarah hi azaadi ka ehsaas karaane wali bhaavna toh hai, Lekin nafrat humein, khud ka hi kaidi bna deti hai. Sahi azaadi, prem mein hi hai. Jab koi pyar deta hai aur iske hi baare mein sochta hai toh law of attraction pyaar ko hi uske jeevan mein le aata hai. Prem ya pyaar ek bhaavna hai, rishta nahi.

Prem insaano, janvaroin aur prakriti se bhi ho sakta hai. Jab bhi koi prem karta hai toh wah sarankshan/bachav (protection) bhi karta hai aur sahara(support) aur paalan poshan (nurturing / maintainance) bhi karta hai. Prem aisi bhaavna hai jo daya (kindness), affection (dulaar), compassion (karuna) aur seva (service/devotin) ko janam deti hai, aur prem ke inn rupoin ko kisi rishtey ya kisi khaas insaan ki jarurat nahi hoti.

Aur yahi prem hai jo insaan ko imaandaar, humble, hospitality aur helpful jaise gun deta hai.

Aur aise insaan ko kon pasand nahi karta? Kon pyaar nahi karta?

 

Aisa hona koi jaadu nahi hai bas humari ek sahi bhavana se aisa ho jata hai. it’s the miracle of love. Apne kaam se pyaarParivaar se pyaar. Doston se pyaar. Aur apne jeevan se judey har satya se pyaar ho jata hai toh jivan hi itna sahi aur sundar ho jata hai ki koi bhi rukawat nahi paida hoti. Aisa insaan jahan jana chahe, ja sakta hai. Uski self respect aur respect dono hi ban jaati hai. Confidence badhta hai. Jeevan mein vishwaas aur utsaah badhta hai. Yahi prem ka maarg hai. Aisa prem koi nafrat karne wala nahi paa sakta. Isliye jisse bhi aap nafrat karte hein, usse issliye pyaar karein kyunki waha aapko yaha btata hai ki apko kya nahi karna hai aur apna marg badal de. Prem ke raste ho jayein. Jitna aap dengey utna aap payengey.

Prem humein dusroin ki madad karna sikhata hai aur aisa karne se hum kuch aisa karna seekhtey hein jissey humein apni taakat ka ehsaas hota hai, lekin ye taakat hum agle acche kaam mein lgaate hein. Jissey ye kram(sequence) band na ho.

 

Aap kisi se ladte hein ya unke baare mein bura sochtey hein toh aap unhein importance dete hein, aur apna samay aur taakat lgaate hein aur dukhi hotey hein. Uska asar aas pass ke logon par padta hai aur phir galat bhavnaoin ka kram(sequence) chal padta hai. Law of attraction phir se aapke paas wahi le ata hai jo aap de rahe hein. What goes around comes around. Jaisa karogey waisa bharogey. Ye kisi khaas mokey ke  liye nhi likha hai.

Har waqt yahi hota hai. Prem aisa hall (solution) hai aap sabko azaad kar dein aur khud hi azaad ho jayein lekin akele na hon, dukhi na hon. Agar koi aapki baat nahi sunta toh aap ladne ki wajaye uss kaam ko karne ka tareeka khojein aur jo nahi sunta usey jaakar bta dein, toh waha maan jayeingey kyunki what they lacked was a plan but when now you have one, you can convince them.

Lekin ye raasta usi ko soojhta hai jisey sach mein madad hi karni ho. Jiska apna swaarth chupa hai wo sirf zor dega kyunki usey jaldi hai. Aur baat sirf karne ya na karne ki nahi hoti, kaise karna hai ye bhi hoti hai. Ye samajhne ke liye bhi prem chahiye. Prem sneh aur daya ko le aayein hai, aapko gussa nahi ata, aap araam se sochtey hein. Ye koi rocket science nahi hai. The Yoga of Nine Emotions or Rasas’ ek actor inhi 9 emotions se parde ke upar humaare jeevan ke gehre rehsayoin ko kholta hai. Bs unhi nau bhavnaoin se jihein hum samajhtey hein.  Toh kya sabhi mein wahi bhavnayein nahi hein, bs koi bhavna ek se adhik praval hoti hai. Hum har kirdaar ki bhavna ko samajh paatey hein toh iska artha hai hum utni hi bhavnaoin ko smajh pa rahe hein, kyunki hum bhi unko anubhav karte hein. Bs itni si hi baat hai.

Prem bhi ek aisi hi bhavna hai jo anginat kahaniyon ko janam deti hai.

Lekin prem ek ladka ladki ke beech hi simit nahi hai. Prem mata-pita ka bacche ke saath bhi hota hai, prem bhai behen mein bhi hota hai aur do dostoin ke beech bhi…do bhai bhi aapas mein pyaar karte hein aur do behne bhi. Isey prakat karne ke liye hum uphar dete hein, sneh ka sparsh bhi, saath dete hein, samajhtey hein ek dusre ko, ek dusre ki kami ko sweekartey hein, nafrat toh kahin aa hi nahi sakti. Yahi prem hai jo humein bnata hai, important, unn sabke liye jinhein hum chahte hein. Lekin iska adhaar ‘antar’ hai. Mann hai. Dil hai. Jiska arth hai pyaar ka naatak nahi ho sakta, aap agar raste par girey kisi bhi insaan ki madad karte hein toh aap koi naatak nahi kar rahe hein. Aap unko paise na dein, lekin unke liye ambulance toh bula sakte hein, wahi jo hum apne kisi khaas ke liye karte hein. Yahi prem hai. Hum bandhtey hein apne jeevan mein, apne aap mein aur nafrat karna seekhtey hein. Hum prem karte hein aur azaad ho jaate hein, apne aap ko prakat karne ke liye. Apne khaas logon se humein khud ko chupaane ki zarurat nahi hoti.

The following two tabs change content below.

Trish Angel

I am a Poet & writer. I belong to Rishikesh and the influence of city is inevitable in my writings, and so I mostly focus on Sufism, spirituality and moral conducts ( religious and non-religious) as the theme of my stories, poems, and articles.

Latest posts by Trish Angel (see all)